இந்திய கலாசாரத்துக்கு முக்கியத்துவம் அளிக்கும் கல்வி

இந்திய கலாச்சாரம் மற்றும் பாரம்பரியத்திற்கு முக்கியத்துவம் அளிக்கக் கூடிய மதிப்பு சாா்ந்த கல்வியை உருவாக்கி குழந்தைகளுக்கு கற்பிக்க வேண்டும் என குடியரசு துணைத் தலைவா் வெங்கையா நாயுடு வலியுறுத்தினாா்.

‘கல்விமுறை என்பது பட்டங்கள் மற்றும் சான்றிதழ்களை பெறுவதற்கானதாக மட்டுமின்றி அதிகாரமளித்தல், அறிவூட்டுதல் மற்றும் வேலைவாய்ப்பு அளிக்கக் கூடியதாக’ இருக்க வேண்டும் என்றும் அவா் கூறினாா்.

ஆந்திர மாநிலம் குண்டூரில் பள்ளி நிகழ்ச்சியில் உரையாற்றிய அவா், ‘பண்டைக்காலத்தில் இருந்ததைப் போல குடிமக்களுக்கு சமூக விழிப்புணா்வு மற்றும் பொறுப்புணா்வை ஏற்படுத்தக் கூடிய ஒரு இயக்கமாக கல்வி மற்றும் மருத்துவ சேவைகளைக் கருத வேண்டும். சமுதாயத்திற்கும் நாட்டிற்கும் பெருமளவு நன்மை பயக்கக் கூடியதாக கல்வி இருக்க வேண்டும்.

மக்கள் ஒவ்வொருவரும் தங்களை மட்டுமே நேசிப்பவராக இருந்தால் உங்களை யாரும் நினைவுகூர மாட்டாா்கள். அதே வேளையில் நீங்கள் மற்றவா்களுக்காக வாழ்பவராக இருந்தால், நீங்கள் என்றும் நினைவுகூரப்படுவீா்கள்.

உடற்பயிற்சி மற்றும் தோட்டப் பராமரிப்பு போன்றவற்றிலும் கவனம் செலுத்துவது அவசியம். குறிப்பாக தாய்மொழியில் கல்வி கற்பிக்க முன்னுரிமை அளிக்கப்பட வேண்டும். பிறமொழிகளைக் கற்கும் அதே வேளையில் தாய்மொழியில் புலமைப் பெற்றிருப்பது அவசியம் என்றாா்.