இதை எதிர்த்து சிஎம்சி கல்லூரி சங்கத்தின் தரப்பில் உச்ச நீதிமன்றத்தில் ரிட் மனு தாக்கல் செய்யப்பட்டது. நீதிபதிகள் நாகேஸ்வர ராவ், பி.ஆர்.கவாய் அமர்வில் நேற்று இது விசாரணைக்கு வந்தது. அப்போது, தமிழக அரசு தரப்பில் ஆஜரான கூடுதல் சொலிசிட்டர் அமித் ஆனந்த் திவாரி, ‘2021-22ல் தமிழக அரசு எடுத்துள்ள நிலைப்பாட்டின்படி, முதுநிலை மருத்துவ சேர்க்கையில் 30 சதவீதத்தை கல்லூரி நிர்வாகத்தை சேர்ந்த சமூகத்திற்கும், மீதமுள்ள 70 சதவீத இடங்களை நீட் தகுதி பட்டியலின் அடிப்படையில் மாநிலத்தால் ஒதுக்கீடு செய்யப்படும்,’ என தெரிவித்தார்.
சிஎம்சி தரப்பில் ஆஜரான மூத்த வழக்கறிஞர் ஷியாம் திவான், எங்களின் முந்தைய விதிகளின்படியே முதுநிலை மருத்துவ மாணவ சேர்க்கையை நடத்த அனுமதிக்க வேண்டும்,’ என தெரிவித்தார். இதையடுத்து நீதிபதிகள் பிறப்பித்த உத்தரவில், ‘2021-22க்கான முதுநிலை மருத்துவ சேர்க்கையை நீட் மதிப்பெண் அடிப்படையில் நடத்தப்பட்டாலும், கிறிஸ்துவ சிறுபான்மையினரின் மாநில தகுதி பட்டியலை தயார் செய்து தமிழக அரசு கல்லூரி நிர்வாகத்திடம் வழங்க வேண்டும். அதன் அடிப்படையில் மட்டுமே சிஎம்சி நிர்வாகம் சேர்க்கையை நடத்த வேண்டும்,’ என தெரிவித்தனர். மேலும், விசாரணையை மார்ச் அல்லது ஏப்ரலில் நடத்துவதாக கூறி ஒத்திவைத்தனர்.
No comments:
Post a Comment